Monthly Archives: November 2016

ચાલો કેશલેસ ભારત તરફ એક ડગલું ભરીએ

૮ નવેમ્બર ૨૦૧૬ ના રાત્રે ૮ વાગ્યે પ્રધાનમંત્રી શ્રી નરેન્દ્ર મોદીએ ૫૦૦-૧૦૦૦ રૂપિયાની ચલણી નોટ બંધ કરતા ઘણા લોકોને મુશ્કેલી પડી રહી છે. સમયાંતરે સરકાર તરફ થી નવી નવી જાહેરાતો દ્વારા પણ દેશવાસીઓની તકલીફ દૂર કરવા પ્રયત્નો થઇ રહ્યા છે. સરકારના ઈરાદા સ્પષ્ટ છે. આવનારું ભારત કેશલેસ બને, રોકડ વ્યવહારો ઓછા થાય, બેન્કિંગ થી કામ વધે અને દેશ પ્રગતિ કરે. આજે અમે અહીં આપને બતાવશું કે આપ કોઈ પણ થર્ડ પાર્ટી એપ્લિકેશન વગર પણ બેન્કિંગ અથવા રોકડ રૂપિયાના બદલે કઈ રીતે કામ ચલાવી શકો છો.

USSD

સૌથી પહેલા તો તમારા ફોનને તમારા બેન્ક એકાઉન્ટ સાથે લિંક કરો જેથી બેન્કિંગ અથવા તમારા એકાઉન્ટ રિલેટેડ કઈ પણ કામ થાય તો તેની જાણકારી તમને એસએમએસ દ્વારા મળી શકે. હવે તમારા ફોનમાં *૯૯# ડાયલ કરો. આ ડાયલ કરતા જ USSD CODE કામ કરશે અને તમને તમારી બેન્કના નામના પહેલા ત્રણ અક્ષર અથવા તો IFSC કોડ જો ખબર હોય તો તેના પહેલા ૪ અક્ષર એન્ટર કરવાનું કહેશે. અહીંયા તે એન્ટર કરતા જ તમને બીજો એક વિકલ્પ મળશે જેમાં Account Balance, Mini Statement, Send Money using MMID, Send Money using IFSC અને Generate M-PIN ના વિકલ્પ મળશે. હવે તમારે અહીંયા Send Money using MMID સિલેક્ટ કરી અને જેમને પૈસા ચૂકવવાના છે એમનો મોબાઈલ નંબર એન્ટર કરવાનો છે. યાદ રહે કે આપ જેને પૈસા મોકલી રહ્યા છો તેમનો ફોન નંબર પણ તેમને બેન્ક એકાઉન્ટ સાથે લિંક થયેલો હોય તે જરૂરી છે. તે પછી તેનો MMID તમારે એન્ટર કરવાનો છે જે તમને ખાતા ગ્રાહક એટલે જેમનું એકાઉન્ટ છે તે આપશે. બસ હવે જે રકમ ટ્રાન્સફર કરવી છે તે અને M-PIN એન્ટર કરો. આ પછી એકાઉન્ટના છેલ્લા ચાર અક્ષર વેરિફિકેશન માટે એન્ટર કરો અને પૈસા ટ્રાન્સફર થઇ ગયા. છે ને આસાન પ્રક્રિયા અને હવે સૌથી મજ્જાની વાત આ આખી પ્રોસેસ તમે ઇન્ટરનેટ વગરના ફોન થી પણ કરી શકો છો.

AADHAR Payment

નોટબંધી થયા બાદ ઘણા દુકાનદારો હવે આધાર કાર્ડથી પણ પૈસા સ્વીકારે છે. આ પ્રક્રિયામાં તમારું આધાર કાર્ડ તમારા બેન્ક એકાઉન્ટ સાથે લિંક હોવું જરૂરી છે. આ પ્રક્રિયામાં દુકાનદારે માત્ર તમારી બેન્કનું નામ અને શક્ય હોય તો બ્રાન્ચ તેની સિસ્ટમમાં એન્ટર કરવાની છે. તે બાદ તમારો આધાર નંબર એન્ટર કરતા જ તે દુકાનદારને કેટલા પૈસા ચૂકવવાના અથવા તો પૈસા ઉપાડવા હોય તે કેટલા ઉપાડવા છે તે એન્ટર કરી અને PIN નંબરના બદલે ફિંગરપ્રિન્ટ સ્કેનર પર તમારી ફિંગરપ્રિન્ટ લેશે. વેરિફિકેશન થતા જ તમારા બેન્ક ખાતા માંથી દુકાનદારને તેનું બિલ ચૂકવાય જશે અથવા તો જો તમારે પૈસા ઉપાડવા હશે તો તમને તે પૈસા રોકડા મળી જશે અને બેન્ક જે-તે દુકાનદારને તે પૈસા ટ્રાન્સફર કરી આપશે.

E-Wallet

એસબીઆઈ બડ્ડી, ફ્રીચાર્જ, પેટીએમ અને મોબીકવીક જેવા અઢળક ઈ-વોલેટ અત્યારે માર્કેટમાં હાજર છે. આ પ્રક્રિયામાંતમારે ઇન્ટરનેટની જરૂર પડશે. નોર્મલ ઇન્ટરનેટ બેન્કિંગ દ્વારા જ તમે ઈ-વોલેટમાં પૈસા ટ્રાન્સફર કરી શકો છો અને જ્યાં જ્યાં આ ઈ-વોલેટ નો વિકલ્પ હોય ત્યાં તેના કોડ અથવા તો બારકોડ સ્કેનર દ્વારા તમે પૈસાની ચુકવણી કરી શકો છો. આ ઉપરાંત ઘણા ઈ-વોલેટ દ્વારા તમે બીજા કોઈ ના બેન્ક એકાઉન્ટમાં પણ રૂપિયા ટ્રાન્સફર કરી શકો છો. અત્યારે ઘણી કંપનીઓ આ સમગ્ર પ્રક્રિયા માટે કોઈ પણ પ્રકારનો સર્વિસ ચાર્જ લેતી નથી.

અત્યારે મોટા ભાગની બેન્કની મોબાઈલ એપ્લિકેશન પણ હાજર છે જેના દ્વારા પણ તમે મોબાઈલ બેન્કિંગ થી તમારા મોટાભાગના કામ પતાવી શકો છો. હા થોડી અગવડ પડશે અથવા તો શરૂઆતના સમયમાં કદાચ નહિ ફાવે પણ જો ભવિષ્ય સારું બનતું હોય તો તેમાં કશું ખોટું નથીને.

અમને આશા છે કે આપ આજના આર્ટિકલ દ્વારા કશું નવું શીખ્યા હશો અને આપ આપની આસપાસના લોકોને પણ ઉપરોક્ત તમામ સિસ્ટમ વિષે પણ સમજાવી તેમને મદદ કરશો.

વધુ આવતા અંકે…..

પુરા પાંચ રસ્તા – વોટ્સએપમાં બ્લોક થતા બચવાના

whatsapp-use

વોટ્સએપ – જે આજે એક એપ્લીકેશન ના રહેતા વ્યવહાર અને કોમ્યુનિકેશન નું એક ખુબ જ જરૂરી માધ્યમ થઇ ગયું છે. ઘણા લોકો એવા છે કે જે વોટ્સએપ યુઝ નથી કરતા અને ઘણા એવા છે કે જે પર્સનલ નંબર થી વોટ્સએપ યુઝ કરે છે અને કહે છે કે તે વોટ્સએપ યુઝ નથી કરતા.

વોટ્સએપ નો ઉપયોગ લોકો ફક્ત કોમ્યુનિકેશન માટે જ નહિ, બીઝનેસ માટે, કસ્ટમરકેર માટે અને ઘણા ફક્ત ટાઈમપાસ માટે કરે છે. અને જેથી વોટ્સએપ માં જાત-જાત ની અનેક પોસ્ટ રોજ ફરતી જોવા મળે છે. પછી એ સુવિચારો હોય કે ગુડનાઈટ મેસેજ, પછી તે બીઝનેસ ડીલ હોય કે હોલીડે પેકેજ – વોટ્સએપ નો ઉપયોગ દરેક વ્યક્તિ, વેપારી એક નહિ તો બીજી રીતે કરે જ છે.

વોટ્સએપના વ્યાપક ઉપયોગ ને લઈને વોટ્સએપ પર બ્લોક કરવાનું ચલણ પણ વધ્યું છે. અને કોઈ તમને બ્લોક કરે છે તો એનું કારણ એક જ છે, કે તમે એમને નડો છો 🙂

પાંચ રસ્તા કે જે તમને વોટ્સએપ પર બ્લોક થતા બચાવી શકશે

રસ્તો પહેલો: તમારી લાગણી કાબુમાં રાખો

તમે ગુડમોર્નિંગ કે ગુડનાઈટ કહેશો કે નહિ કહો… એનાથી કોઈને કશો ફરક નહિ પડે. એમને કારમાં સવારે વોટ્સએપ જોયા પછી પણ પંચર પડવાનું હશે તો પડશે જ. એટલે બહુ ચિંતા ના કરો, તમારી લાગણી ને સમજી શકાય પણ સામે વાળા ને એનો અહેસાસ કરાવવો જરૂરી નથી. 😉

રસ્તો બીજો: સાધુ – સંતો ને એમનું કામ કરવા દો

આપણા દેશમાં સાધુ સંતો ઘણા છે જે પોતાના વિચારો આપતા રહેતા હોય છે. એમના વિચારો એમને જ એમના ભક્તો સુધી પહોંચાડવા દો. સુવિચારો મોકલી મોકલી ને તમારા અને બીજાના મોબાઈલ નું સ્ટોરેજ અને ડેટા વ્યય ના કરો. 😀

રસ્તો ત્રીજો: બધા નવરી બજાર ના પણ હોય

જરૂરી નથી કે તમે જેટલો સમય વોટ્સએપ માં આપી શકો એટલો બીજા પણ આપી જ શકે, એટલે શક્ય એટલા ઓછા લોકો ને મેસેજ કરો અને સામે એનો રિસ્પોન્સ ઓછો હોય તો સમજી જાઓ કે કાં તો એને તમે મેસેજ કરીને હેરાન કરો છો અને કાં તો એ વોટ્સએપ ઓછું વાપરે છે. 🙂

રસ્તો ચોથો: ગાજર અને કેળું અલગ અલગ બાચકા માં ભરો

તમારા એક ગ્રુપ માં રીલેવ્ન્ટ લોકો ને જ ઉમેરો, ફેમીલી નું ગ્રુપ હોય એમાં કોલેજ ફ્રેન્ડ અને એડલ્ટ મિત્રોનું ગ્રુપ હોય ત્યાં પપ્પા-મમ્મી ને એડ ના જ કરાય એટલી સમજ તો હોવી જ જોઈએ, સાથે એટલી વિનમ્રતા કેળવો કે કોઈ ને ગ્રુપ માં એડ કરતા પહેલા એક વખત એમની અનુમતી પણ લો.

રસ્તો પાંચમો: લોભી ના બનો

ક્યારેય એવું શક્ય નથી કે કોઈ પણ કઈ પણ મફત આપે. અને એટલે જ એમઝોન પર રીબોક ના સૂઝ મફત ની ઓફર નો મેસેજ જોઇને સીધી લીંક ક્લિક કરશો તો એ વાઈરસ તમારા વોટ્સએપ માં પણ આવી જશે અને તમારા નામે તમારા હજારો કોન્ટેક્ટ ને પણ એ મેસેજ જશે. તમને રીબોક ના સૂઝ તો મફત નહિ જ મળે પણ તમારા હજારો કોન્ટેક્ટ માંથી એટલીસ્ટ ૧૦ તો તમને બ્લોક કરશે જ અને બીજા ઘણા તમારા લોભ ઉપર હાંસી પણ ઉડાવશે. 😀

ટૂંક માં, ટેકનોલોજીએ વોટ્સએપ અને ભગવાને મગજ આપ્યું છે, બંનેનો ઉપયોગ કરો 🙂

પોસ્ટ ગમે તો બીજા મિત્રો સાથે અચૂક શેર કરજો.

વોટ્સએપ વિડિઓ કોલિંગ વિષે – આવ્યુ ખરા !

ઘણી બધી બીટા અપડેટ્સ બાદ આખરે વોટ્સએપ દ્વારા હજુ પણ ઘણા બગ્સ વાળું વિડિઓ કોલિંગ અપડેટ રિલીઝ કરી દીધું છે. જોકે અત્યારે હિન્દુસ્તાન પોતાના ખિસ્સા માં રહેલા ૫૦૦-૧૦૦૦ ની નોટ બદલવાની લાઈનમાં ઉભું છે એટલે વધુ લોકો ત્યાં ધ્યાન નથી આપી શક્યા. આજે આપણે વોટ્સએપ વિડિઓ કોલિંગ કઈ રીતે એક્ટિવેટ થઇ શકે તથા કઈ રીતે તમે તેનો ઉપયોગ કરી શકો તે વિષે જાણીશું.

wassup-call-1

સૌથી પહેલા તો એન્ડ્રોઇડ પ્લે સ્ટોર અને એપલ એપ સ્ટોર માં જઈને તમારે વૉટ્સઍપ ની એપ્લિકેશન અપડેટ કરવી પડશે. એપ્લિકેશન અપડેટ કર્યા બાદ જયારે તમે એપ ઓપન કરો છો ત્યારે તમે સૌથી ઉપર કોલ નો ઓપશન જોવા મળશે જેના ઉપર ક્લિક કરતા જ તમને વિડિઓ કોલ અને વોઇસ કોલ એમ બે ઓપશન જોવા મળશે જેમાં થી કોઈ પણ એક તમે નક્કી કરી અને યુઝ કરી શકો છો. વિડિઓ કોલ યુઝ કરતી વખતે તમને સ્ક્રીન પર કેમેરા સ્વાઇપ કરવાનું ઓપશન મળશે જેના વડે તમે તમારી જરૂરિયાત મુજબ ફ્રન્ટ અથવા રિઅર કેમેરા પણ ચેન્જ કરી શકો છો.

wassup-call-2

જોકે આ એપ્લિકેશન ઓફિશિયલી બહાર આવ્યા એને હજુ ૨ દિવસ જ થયા છે જેને લીધે ઘણી વખત વિડિઓ કોલિંગમાં કનેક્ટિવિટી ઇસ્યુ અથવા તો કોલ ડ્રોપ ની તકલીફ ઘણા વપરાશકર્તાઓને મળી રહી છે. સમય જતા કંપની તરફથી વધુ એક અપડેટ દ્વારા આ દરેક પ્રોબ્લેમ દૂર કરવામાં આવશે.

આ ખાસ માહિતી આપના મિત્રો સાથે શેર કરવાનું ચૂકશો નહિ.