Monthly Archives: December 2016

ફોટા/ઈમેઈજ સાઈઝ ઘટાડવાનો સૌથી સરળ અને ફાસ્ટ રસ્તો

લગભગ આપણે કેમેરા કે મોબાઈલ થી ફોટા પાડીએ ત્યારે ફોટાની સાઈઝ ખુબ મોટી હોય છે. સિવાય કે તમે હજુ જુના લો રીઝોલ્યુશન ના કેમેરા કે મોબાઈલનો ઉપયોગ કરતા હો. હવે જયારે એક એક ફોટાની સાઈઝ ૪ MB થી 8 MB જેવી હોય ત્યારે આ ફોટા મિત્રો ને મોકલવા, ઈમેઈલ માં અપલોડ કરવા કે વોટ્સએપ/ફેસબુક માં મોકલવામાં ઘણો ટાઈમ લાગે છે. બરોબર ને?

ફટાફટ અને સરળતાથી આ ફોટા મોકલતા પહેલા ફાઈલ ની સાઈઝ કઈ રીતે નાની કરી શકાય એ શીખીએ અને એ પણ તમારી પ્રિય નેટયાત્રા એપ્લીકેશન પર.

વિન્ડોઝ ૭ અથવા વિન્ડોઝ ૧૦ તો લગભગ બધા પાસે હશે જ, એટલે અહી નીચે આપેલ રસ્તો વિન્ડોઝ ૭ અથવા વિન્ડોઝ ૧૦ વાળી સીસ્ટમ માં ચાલશે.

૧) તમારા “માય કોમ્પ્યુટર” માં જઈને, C અથવા D ડ્રાઈવ માં જઈને ૨ ફોલ્ડર બનાવો.
૨) એક ફોલ્ડર માં બધા હાઈ રીઝોલ્યુશન ફોટા સેવ કરો
૩) સિલેક્ટ ઓલ અથવા (Ctrl + A) થી ફોલ્ડર માં રહેલા બધા જ ફોટા સિલેક્ટ કરી લો
૪) રાઈટ ક્લિક કરો અને અને “Send To” પર ક્લિક કરો અને સ્મોલ કે મીડીયમ જે જોઈએ તે સાઈઝ ક્લિક કરો
૫) ઈમેઈલ ની એપ્લીકેશન ઓપન થશે અને બધી જ ફોટો ફાઈલ નાની સાઈઝ સાથે એટેચ થયેલ હશે
૬) હવે આ એટેચ થયેલી ફાઈલ ને એક સાથે સિલેક્ટ કરો (Ctrl + A), કટ કરો (ctrl + x) અને બીજા ફોલ્ડર માં પેસ્ટ કરો (ctrl + v)
૭) કમ્પોઝ થયેલો ઈમેઈલ બંધ કરી દો, એની હવે કોઈ જરૂર નથી

હવે નવા એટલે કે બીજા ફોલ્ડર માં બધી જ લો રીઝોલ્યુશન ઈમેઈજ આવી ગઈ હશે અને સારી વાત એ છે કે આ ઓપ્શન કોઈ બીજા સોફ્ટવેર કે ઈન્ટરનેટ ના ઉપયોગ વગર એક સાથે ઘણી બધી ફોટો ફાઈલ ની સાઈઝ ઘટાડવા મદદ કરશે.

મિતેશભાઈ એ ફેસબુક પર સૂચવેલ આ ત્રીક ગુજરાતી મિત્રો માટે ગુજરાતી માં નેટ યાત્રા એપ્લીકેશન પર ઉપલબ્ધ કરવામાં આવી છે.

જો આપણે ઉપયોગી લાગે તો બીજા મિત્રો સાથે શેર કરજો

લખતા પહેલા વિચારો – Re-Think to stop Cyberbullying

trisha-re-think-cyberbullying

• “તું કેટલી બદસૂરત લાગે છે!”

• “તારા ડાચાના ઠેકાણા તો જો, બરોબર હસતા પણ નથી આવડતું?!?!”

• “અહીંથી તારો ફોટો હટાવ, સાવ ડબ્બુ લાગે છે!”

• “ઓનલાઈન થઇ આવું કરાય જ કેમ? તને કાંઈ ભાન-બાન પડે છે?”

• “આવાં સેન્સલેસ કામો કરવાને બદલે તારે તો મરી જવું જોઈએ!!!

• “તને શરમ ના આવી આવું કરતા પહેલા. ડૂબી મર ! ઢાંકણીમાં પાણી લઇને.”

ફોટોમાં રહેલી ત્રિશા પ્રભુ…ચાર વર્ષ અગાઉ ૧૨ વર્ષની હતી અને શિકાગોમાં ભણતી ત્યારે તેણે પેપરમાં સમાચાર વાંચ્યા.. જેમાં તેની જ હમ-ઉમ્ર છોકરી રેબેકાએ આપઘાત કર્યાની વિગતો હતી. ત્રિશાને રેબેકાએ કરેલા આત્મહત્યાની વિગતો અને એમાં રહેલાં કારણોએ હલાવી નાખી.

કેમ કે તે લેખમાં રેબેકાની એક નિકટ દોસ્તે (ઉપર મુજબના) બોલેલાં અલગ-અલગ ડાયલોગ્સની રેબેકા પર શું અસર પડેલી તેની ચર્ચા હતી. નાની વયમાં એવાં ડાયલોગ્સથી કંટાળી ચુકેલી, ડરેલી રેબેકાએ આખરે પોતાને આ દુનિયામાંથી બાદ કરી દીધી. પણ આ લેખની અસરે ત્રિશાને એક નવી દિશા આપી. Stop Cyberbullying on Social Media નું મિશન શરુ કરવાની.

૧૩માં વર્ષમાં પ્રવેશતી વખતે એક ટીન-એજ છોકરી શું શું અનુભવી શકે છે, વિચારી શકે છે એનો તેણે લાઈબ્રેરીમાં જઈ અભ્યાસ કર્યો. લોકોના મોં પર તાળાં દેવાને બદલે શબ્દો જ તેમને હાથતાળી આપીએ એવો આઈડિયા શોધી લાવી. અને પછી બે વર્ષની અથાગ મહેનત બાદ મોબાઈલની એપ બનાવી. :RE-THINK

આ એપ એવાં બુલિશ લોકો માટે બનાવી જેઓ શબ્દોથી ‘બીજાંની હળી કરવામાં પાશવી આનંદ મેળવતા હોય, જેમને બીજાંને હંમેશા ક્ષુલ્લક કારણોમાં પણ કોમેન્ટ દ્વારા પજવવાની મજા આવતી હોય, જેઓ બીજાંને નીચે પાડવામાં મોજ આવતી હોય…(જેવું રેબેકાની એક સહપાઠી એ કર્યું ‘તુ.)

ખસ કરીને મોબાઇલ પર રહી સોશિયલ મીડિયામાં તમે ક્યારેક આવેશમાં આવી કોઈને પણ ‘બફાટ કરવાની શરૂઆત કરો ત્યારે આ એપ ટાઈપીંગ વખતે તમને ઘડીકભર માટે એમ કહી રોકી લે છે….

“સબૂર ! મને લાગી રહ્યું છે કે તારા આ શબ્દોથી વાંચનારની લાગણી ઘવાઈ રહી છે. તારાથી અપશબ્દો લખાઈ રહ્યાં છે. મારુ સજેશન છે કે…તું આવું ન કર અને થોડી વાર રોકાઈ જા !”

ત્રિશાની આ એપથી (ખાસ કરીને ઘણાં એવાં ટીન-એજ છોરાં-છોરીઓ Cyberbullying કરતા અટકી ગયા છે. અને થોડાં સમય બાદ તેમને હાશકારો અનુભવાયો છે.

હવે એક નાનકડી વયમાં, એક નાનકડાં વિચાર દ્વારા ત્રિશા આવું એક મોટું સામજિક કાર્ય કરે ત્યારે ગૂગલ પણ તેને સાયન્સ-ફેરમાં ૧૦૦,૦૦૦ ડોલર્સનો મોટો (સોશિયલ-અચિવમેન્ટ) એપ એવોર્ડ આપવા આગળ આવે છે ને!

સોળ વર્ષની થયેલી ત્રિશા પ્રભુને મારા સોળ-સોલ સલામ !!!

મૂક મોરલો: “દિમાગથી કોઈને હર્ટ કરવા કરતા હાર્ટથી હિલીંગ કરીએ તો કેવું?!!!!”

Post Source: મુર્તઝા પટેલ

એપ્લીકેશન લીંક: https://play.google.com/store/apps/details?id=com.rethink.app.rethinkkeyboard

મિત્રો, અચૂક શેર કરવા જેવી પોસ્ટ છે. નીચે આપેલ સોશ્યલ મીડિયા બટન નો ઉપયોગ કરી વોટ્સએપ, ફેસબુક વિગેરે માં અચૂક શેર કરજો.